अट्टल घरफोड्या दोन वर्षासाठी तडीपार

वाळूजमहानगर, (ता.3) :- वाळुज औद्योगिक वसाहतीसह औरंगाबाद शहर हद्दीमध्ये चोरी, घरफोडी, अवैद्य धंदे करुन लोकांमध्ये दहशत निर्माण करणाऱ्या व शांतता भंग करणार्या 23 वर्षीय गुंड प्रवृत्तीच्या तरुणास दोन वर्षासाठी तडीपार करण्यात आले.

अजय सुरेश चव्हाण, वय 23वर्षे, रा. टोकी हा औरंगाबाद शहर व वाळूज औद्योगिक वसाहतीच्या हद्दीमध्ये कलम 380,461, कलम 379,34 भादवि, तसेच कलम 65 (ख) मदाका प्रमाणे घर फोडी, चोरीचे तसेच अवैद्य दारु विक्रीचे गुन्हे करून परिसरात दहशत निर्माण करीत होता. त्यांने भविष्यात कोणत्याही प्रकारचे गुन्हा करु नये. म्हणून पोलीस उप आयुक्त, परिमंडळ-1, औरंगाबाद शहर यांनी महाराष्ट्र पोलीस अधिनियमाच्या कलम 56 (1) (अ) (ब) अन्वये हद्दपार प्रस्ताव सादर करण्यात आला होता. त्यामुळे अजय चव्हाण यास शुक्रवारी (ता.2) रोजी पासुन दोन वर्षाकरीता औरंगाबाद जिल्हा व औरंगाबाद शहरातुन तडीपार करण्यात आले. ही कामगिरी पोलीस आयुक्त निखील गुप्ता, पोलीस उप आयुक्त उज्वला वनकर, सहाय्यक पोलीस आयुक्त अशोक थोरात यांच्या मार्गदर्शनाखाली वरिष्ठ पोलीस निरीक्षक संदिप गुरमे तसेच पोउपनि. सचिन ओगले, पोना बाबासाहेब काकडे यांनी केली आहे.
…………….. .