दुचाकीची पादचाऱ्याला धडक, एक ठार

वाळूजमहानगर – पादचाऱ्याला दुचाकीने पाठीमागून जोराची धडक दिल्याने झालेल्या अपघातात तो गंभीर जखमे होऊन ठार झाला. हा अपघात गुरुवारी 4 डिसेंबर रोजी सकाळी 7:30 वाजेच्या सुमारास पंढरपूर येथे झाला.

याबाबत पोलिसांकडून मिळालेली माहिती अशी की, लक्ष्मण भागचंद हिवाळे हे गुरूवारी 4 डिसेंबर रोजी सकाळी 7:30 वाजेच्या सुमारास पंढरपूर येथील जामा मस्जिद जवळून घरी जात होते. त्यांना पाठीमागून भरधाव आलेल्या दुचाकी (एमएच 14, जीबी -1444) च्या चालकाने पाठीमागुन जोराची धडक दिली. या धडकेत त्यांना गंभीर दुखापात झाल्याने शुभम किर्तीकर व सामाजिक कार्यकत्ये मनोज जैन यांनी प्रथम खाजगी रुग्णालयात व नंतर घाटीत रुग्णालयात दाखल केले असता डॉक्टरांनी तपासुन मृत घोषीत केले. या प्रकरणी शुभम एकनाथ कीर्तीकर यांनी दिलेल्या फिर्यादीवरून आरोपी दुचाकीस्वाराविरूध्द एमआयडीसी वाळूज पोलीस ठाण्यात गुन्हा दाखल करण्यात आला आहे.