पंढरपूर येथे इंदिरा एकादशी निमित्त भव्य कीर्तन सोहळा

वाळुज महानगर, (ता.16) – वाळुज महानगरातील श्री विठ्ठल रुक्मिणी मंदिराच्या सभागृहात इंदिरा एकादशीनिमित बीड येथील संगीत विशारद ह भ प श्रीहरी महाराज गवते यांचे बुधवारी 17 सप्टेंबर रोजी सकाळी 11 ते 1 या वेळेत हरिकीर्तन आयोजित करण्यात आले आहे.

याप्रसंगी रघुनाथ आदमाने, पंढरपूर यांच्या हस्ते सपत्नीक श्री विठ्ठल रुक्मिणी मूर्तीस महाभिषेक व संतपूजन करण्यात येईल. त्यांच्यातर्फे कीर्तनानंतर उपस्थित सर्व भाविकांना साबुदाणा खिचडीचे वाटप करण्यात येणार आहे. या किर्तन सोहळ्यास भाविकांनी मोठ्या संख्येने उपस्थित रहावे असे आवाहन मंदिर कमिटीने केले आहे.