राष्ट्रसंत तुकडोजी महाराज जयंतीनिमित्त भव्य भजन स्पर्धेचे आयोजन

वाळुज महानगर, (ता.19) – खंजिरी भजनातून भारताच्या स्वातंत्र्य लढ्यात महत्वाची भूमिका बजावलेल्या राष्ट्रसंत श्री तुकडोजी महाराज यांच्या 116 व्या जयंती (ग्रामजयंती) निमित्त बजाजनगर येथील श्री गुरुदेव प्रार्थना मंदिराच्या सभागृहात गुरुवार 1 मे 2025 रोजी महाराष्ट्र दिनी सर्व पंथीय भव्य भजन स्पर्धेचे आयोजन करण्यात आले आहे.

एक मे रोजी होणारी ही स्पर्धा पुरुष व महिला भजनी मंडळासाठी खुली आहे. स्पर्धेतील विजेत्यांना प्रथम बक्षीस 7 हजार 501रुपये, द्वितीय 5001, तृतीय 3001 सर्वोत्कृष्ट महिला भजनी संघाला 1101, तसेच उत्कृष्ट भजन गायक, खंजीरी वादक, हार्मोनियम व तबला किंवा पखवाज वादक असे प्रत्येकी 500 बक्षिसे व स्मृती चिन्ह देण्यात येतील. याशिवाय स्पर्धेतील सहभागी सर्व भजनी मंडळातील सदस्यांना सहभाग प्रमाणपत्र देण्यात येतील.
राष्ट्रसंतांच्या मराठी व हिंदी भजनाचा संत भूमी मराठवाड्यात प्रचार प्रसार व्हावा. या उद्देशाने ही स्पर्धा गेल्या 2 वर्षापासून आयोजित करण्यात येते. यासाठी स्पर्धेतील सर्व सहभागी संघानी राष्ट्रसंत तुकडोजी महाराज रचित किमान 2 भजने, अभंग सादर करणे ही प्रमुख अट आहे. उर्वरित भजन, अभंग, गौळण, कोणत्याही संत रचनांचे गायन करावे. प्रत्येक संघास 20 मिनिटांचा वेळ देण्यात येईल. स्पर्धा

सकाळी 9 ते 6 वाजेपर्यंत होणार असून त्यानंतर लगेचच मान्यवर अतिथींच्या हस्ते बक्षिसे वितरण करण्यात येतील. स्पर्धेत सहभागी होण्यासाठी श्री गुरुदेव सेवा मंडळ, प्लॉट नं.ओ. एस. 19/1, जागृत हनुमान मंदिर (आर.एक्स.ग्रुप )च्या मागे बजाजनगर, एमआयडीसी छत्रपती संभाजीनगर येथे 9975214554 किंवा 9850017421 या मोबाईल क्रमांकावर संपर्क साधावा. असे आवाहन श्री गुरुदेव सेवा मंडळाच्या वतीने करण्यात आले आहे.