मंगल कार्यालयासाठी आरक्षित भूखंडावर बांधले दुकानगाळे, एमआयडीसीची कारवाई करण्यास टाळाटाळ, रिपाई घालणार अधिकाऱ्यांना घेराव

वाळूजमहानगर, (ता.12) – बजाजनगर येथे सार्वजनिक सुविधांसाठी आरक्षित असलेल्या एमआयडीसीच्या भूखंडावर दुकान गाळे बांधून नियमांची धज्जी उडवणाऱ्यावर कारवाई करा. या मागणीसाठी गेल्या पाच वर्षापासून पाठपुरावा सुरू आहे. मात्र एमआयडीसीचे अधिकारी संबंधितांवर कोणतीही कार्यवाही करण्यास टाळाटाळ करीत आहे. त्यामुळे रिपाइंच्या वतीने अधिकाऱ्यांना 14 डिसेंबर रोजी घेराव घालणार असल्याचे सोमवारी (ता.12) रोजी घेण्यात आलेल्या एका पत्रकार परिषदेत रिपाईचे जिल्हाध्यक्ष संजय ठोकळ, जिल्हा कार्याध्यक्ष शरद कीर्तिकर व जे के आमराव यांनी सांगितले.