शस्त्राचा धाक दाखवून उद्योजकाला लुटले

वाळूजमहानगर, (ता.20) – कंपनीतील काम आटपून चारचाकी वाहनाने घरी जाणाऱ्या
व्यावसायिकाची कार अडवून चाकूचा धाक दाखवून चौघा तरुणांनी हाताचापटाने मारहाण करत कागदपत्रासह 15 हजार रुपये लुटले. ही घटना रविवारी (ता.19) रोजी दुपारी एक वाजेच्या सुमारास वाळूज परिसरात घडली.
याबाबत पोलिसांकडून मिळालेली माहिती अशी की, मकरंद चंद्रदेव देशमुख यांची वाळूज औद्योगिक परिसरात प्लॉट क्र.जी-39/1 मध्ये गम बनविण्याची ड्युराफिक्स नावाची कंपनी आहे. कंपनीतील कामे आटपूण मकरंद देशमुख हे रविवारी (ता.19) रोजी दुपारी 1 वाजेच्या दरम्यान हे त्यांच्या होंडा कंपनीच्या जाज कार ( एम एच 20, डी व्ही -0571) मधून घरी जात होते. व्हेरॉक कंपनी जवळ, जी सेक्टर, रांजणगाव (शे.पु.) येथे एका विना क्रमांक काळ्या रंगाच्या दुचाकीवर आलेल्या अंदाजे 20 ते 30 वयोगटातील 4 अनोळखी तरुणांनी मकरंद देशमुख यांच्या कार समोर दुचाकी आडवी लावली. आणि त्यांना सुरी चाकूचा धाक दाखवत हाताचापटाने मारहाण करत
त्यांच्या जवळील पाकीट घेऊन पसार झाले. या पाकिटात रोख पंधरा हजार रुपये व अन्य कागदपत्रे होती. दिवसाढवळ्या घडलेल्या या घटनेमुळे वाळूज औद्योगिक वसाहतीतील उद्योजकांमध्ये मोठे दहशतीचे आणि घबरातीचे वातावरण निर्माण झाले आहे. या प्रकरणी मकरंद देशमुख यांनी दिलेल्या फिर्यादीवरून एमआयडीसी वाळूज पोलीस ठाण्यात अज्ञात आरोपी विरुद्ध गुन्हा दाखल करण्यात आला आहे. पुढील तपास वरिष्ठ पोलीस निरीक्षक कृष्णा शिंदे यांच्या मार्गदर्शनाखाली पोलीस उपनिरीक्षक चंद्रकांत कामठे हे करीत आहे.