वाळुज महानगर :- दीपावलीची धामधूम सुरू असतानाच मंगळवारी सूर्यग्रहण असल्याने ते पाहण्यासाठी खगोलप्रेमीसह अनेकांनी सूर्यग्रहण पाहण्याचा आनंद घेतला. सायंकाळी 4. 50 मिनिटांनी सूर्यग्रहणास सुरुवात होऊन सूर्य मावळस्तोवर (ग्रहनास्तापर्यंत) हे सूर्यग्रहण सुरू होते. 
सूर्यग्रहण असो की चंद्रग्रहण, खगोलप्रेमी ते पाहण्याची संधी सोडत नाही. यावेळी सूर्यग्रहण सायंकाळी असल्याने सूर्याची तीव्रता कमी होती. त्यामुळे खगोल प्रेमी सह अनेकांना हे सूर्यग्रहण सरळ डोळ्यांनी पाहता आले.
दीपावली पर्वानिमित्त दोन दिवसापासून आकाशात फटाक्यांची आतिषबाजी पाहायला मिळत असतानाच, मंगळवारी (ता.25) आकाशात सूर्यग्रहणाची सुंदर रोषणाई पहायला मिळाली. छत्रपती संभाजीनगर (औरंगाबाद) जिल्ह्यांमध्ये आकाश निरभ्र असल्याने सूर्यग्रहण पाहण्याची अनेकांना संधी मिळाली. सूर्यग्रहण पाहताना प्रथम अनेकांनी काळा चष्मा तसेच बिल्डिंग चष्मा वापरला त्यानंतर सूर्य मावळतीला गेल्याने सरळ डोळ्यांनी सुद्धा आनंद घेता आला.
सायंकाळी 4 वाजून 50 मिनिटांनी सूर्यग्रहणास सुरुवात होऊन सूर्य मावळस्तोवर (ग्रहनास्तापर्यंत) हे सूर्यग्रहण सुरू होते. त्यानंतर मात्र पूर्ण सूर्यग्रहण दिसू शकले नाही. हे सूर्यग्रहण पाहण्याचा अनेकांनी आनंद घेता घेता सूर्यग्रहण वेगवेगळ्या छटा कॅमेऱ्यात टिपल्या. शिवाय सेल्फी घेण्याचा मोह सुद्धा आवरता आला नाही. अशाच सूर्यग्रहणाच्या काही छटा दिगंबर माके यांनी टिपल्या आहेत.
About Author
