हृदयविकाराच्या झटक्याने मृत्यू

वाळूजमहानगर, ता.20 – बजाजनगर येथील राहत्या घरी 45 वर्षीय इसमाचा हृदयविकाराच्या झटक्याने मृत्यू झाला. ही घटना सोमवारी (ता.20) रोजी भल्या पहाटे 2 वाजेच्या सुमारास घडली.

याबाबत पोलिसांकडून मिळालेली माहिती अशी की, संजय भानुदास आसणे (वय 45) रा.बजाजनगर गट नं 52 एमआयडीसी, वाळुज छत्रपती संभाजीनगर हे रात्री झोपलेले असताना सोमवारी (ता.20) रोजी भल्या पहाटे 2 वाजेच्या सुमारास अचानक त्यांच्या छातीत दुखू लागले. त्यामुळे त्यांना सचीन तुकाराम हन्डे व देविदास जाधव यांनी घाटीत दाखल केले. डॉक्टरांनी तपासून पहाटे 4:15 वाजेच्या सुमारास संजय आसणे यांना मृत घोषित केले. याप्रकरणी घाटीतून आलेल्या माहितीवरून वाळुज एमआयडीसी पोलीस ठाण्यात अकस्मात मृत्यूची नोंद करण्यात आली आहे. पुढील तपास पोलीस निरीक्षक रामेश्वर गाडे यांच्या मार्गदर्शनाखाली पोलीस हवालदार मनोरे करीत आहे.