वाळूज महानगर, (ता.9) – ईईपीसी ने सीएमआयएच्या सहकार्याने 8 सप्टेंबर रोजी द ऑरेस येथे ‘बूस्टिंग एक्सपोर्ट फ्रॉम औरंगाबाद’ या विषयावर कार्यशाळा आयोजित केली होती. या कार्यशाळेत अनेक प्रमुख विषयावर चर्चा करण्यात येऊन इंजिनिअरिंग एक्स्पोर्ट प्रमोशन कौन्सिल ऑफ इंडियाचे चेंबर ऑफ मराठवाडा इंडस्ट्रीज अँडग्रिकल्चर (सीएमआयए) येथील उपकेंद्राला तत्वतः मान्यता देण्यात आली. 
यावेळी सीएमआयए माजी अध्यक्ष शिवप्रसाद जाजू यांनी सुरुवातीच्या भाषणात छत्रपती संभाजीनगर आणि मराठवाडा विभागाच्या विविध क्षेत्रातील निर्यातीच्या दृष्टीने आणि पुढील वाढीसाठी पुढाकार घेत असलेल्या दुसऱ्या पिढीतील उद्योजकांच्या व्यासपीठावर उपस्थित मान्यवरांना प्रकाश टाकला. सीएमआयएचे अध्यक्ष दुष्यंत पाटील यांनी ‘स्थानिक ते जागतिक’ हे उद्दिष्ट साध्य करण्यासाठी सीएमआयएने घेतलेल्या पुढाकारांची आणि सदस्यांच्या आफ्रिकन राष्ट्रांच्या भेटी आयोजित करून हा पुढाकार पुढे नेण्यासाठी सुरू असलेल्या प्रयत्नांची माहिती दिली. विविध आंतरराष्ट्रीय प्रदर्शनांमध्ये व्यवसायाच्या संधी आणि सहभाग वाढवण्यासाठी. रजत श्रीवास्तव यांनी या प्रदेशातील निर्यातीच्या फायद्यासाठी उपकेंद्र स्थापन करण्यास सहमती दर्शवली. याप्रसंगी मार्गदर्शन करताना आर के मिश्रा यांनी विविध निर्यात धोरणे आणि उपलब्ध योजनांबद्दल सखोल आणि अतिशय महत्त्वाची माहिती शेअर केली. सिरसेंदू मुखर्जी यांनी निर्यात धोक्याची माहिती दिली. राजकुमार यांनी जिल्हा उद्योग केंद्रात उपलब्ध असलेल्या विविध योजनांची माहिती दिली. डी एच एल तर्फे डीएचएल एक्सप्रेससह आंतरराष्ट्रीय शिपिंग सुलभ कसे करावे या विषयावर माहिती देण्यात आली. नवीन मार्केट आणि उत्पादनांची माहिती डॉ. रजत श्रीवास्तव यांनी दिली. डॉ. प्रवीण कुमार यांनी ई-कॉमर्स निर्यातीची माहिती शेअर केली. शेवटी प्रश्नोत्तरे सत्र आयोजित करण्यात आले, ज्यामध्ये आगामी आणि विद्यमान निर्यातदारांनी त्यांच्या प्रश्नांचे निराकरण केले. 
कार्यशाळेत सीएमआय परिसरात शाखा कार्यालय सुरू करण्याचे ईईपीसीकडून आश्वासन देण्यात आले. प्रितेश चॅटर्जी यांची संयोजक, औरंगाबाद चॅप्टर या पदावर नियुक्ती- सीएमआयएचे अध्यक्ष दुष्यंत पाटील यांची उप संयोजक औरंगाबाद चॅप्टर या पदावर नियुक्ती करण्यात आली.
About Author
