वाळूजमहानगर (ता.28) :- मजुरांची कमतरता व अफाट वाढलेली मजुरी. यामुळे शेती परवडत नसल्याचे शेतकऱ्यांकडून नेहमी सांगितल्या जाते. त्यामुळे मजुरीला पर्याय म्हणून तांत्रिक शेत मशागतीसह ड्रोनने फवारणी करण्याकडे शेतकऱ्यांचा कल असल्याचे दिसून येत आहे. ड्रोन फवारणीचा पहिला प्रयोग वाळुज परिसरातील वळदगाव येथे मच्छिंद्र झळके पाटील यांच्या शेतात सोमवारी (ता.28) करण्यात आला.
औरंगाबाद तालुक्यात येत असलेल्या वळदगाव, पंढरपूर, तिसगाव, पाटोदा या परिसरातील शेतकरी आधुनिक तंत्रज्ञान वापराकडे अधिक आकर्षित होत आहे. या तंत्रज्ञानामुळे कमी वेळात शेतातील अधिक कामं कशी शुलभ करता येतात. असे शेतकरी सांगतात. या परिसरात ऊस, कापूस, तूर आदी पिके शेतकऱ्यांनी मोठया प्रमाणात आहेत. या पिकावर पडलेली अळी तसेच पांढरा मावा आदी रोग पडले आहेत. या रोगाचे संक्रमण रोखण्यासाठी मजुरांना मजुरी देणे परवडत नाही. शिवाय वेळही जास्त लागतो. त्यामुळे मजुरांकडून फवारणी करून घेण्याऐवजी तसेच पाठीवरच्या फवारणीला फाटा देत चक्क ड्रोन द्वारे फवारणी करुन घेत आहेत. ड्रोनने फवारणी केल्यास कमी खर्चात आणि कमी वेळात सुलभ फवारणी होत असल्याने शेतकऱ्यांचा अधिकचा खर्च वाचत असल्याचेही शेतकरी सांगतात.
About Author
