वाळूज येथे अखंड हरिनाम सप्ताहचे आयोजन

वाळूजमहानगर, (ता.17) – श्री ब्रह्मांडनायक गजानन महाराज प्रगट दिन सोहळा निमित्त वाळुज येथील श्री संत गजानन महाराज मंदिर आश्रम शाळेजवळ कलानगर, शिवाजीनगर येथे मंगळवार 18 फेब्रुवारी ते गुरुवार (ता.20) फेब्रुवारी पर्यंत त्रिदिनी अखंड हरिनाम सप्ताहाचे आयोजन करण्यात आले आहे.

या सप्ताहात प्रथम मंगळवारी (ता.18) रोजी सकाळी ध्वज पूजन होऊन श्री संत गजानन महाराज विजय ग्रंथाचे पारायण करण्यात येईल. तसेच सायंकाळी 8 ते 10 हभप राष्ट्रीय धर्माचार्य डॉ. जनार्धन मेटे महाराज यांचे कीर्तन होईल. बुधवारी (ता.19) फेब्रुवारी रोजी रात्री 8 ते 10 या वेळेत हभप संत चरित्रकार सोमनाथ महाराज राऊत कीर्तन होणार आहे. गुरुवारी (ता.20) रोजी सकाळी टाळ मृदंगाच्या गजरात दिंडी प्रदक्षिणा होणार आहे. त्यानंतर सकाळी 10 वाजता श्री क्षेत्र रामकृष्ण भक्तीधाम आश्रम लखमापूर येथील हभप दादा महाराज वायसळ यांचे काल्याचे किर्तन होईल. त्यानंतर महाप्रसादाने या अखंड हरिनाम सप्ताहाची सांगता होणार आहे. पंचक्रोशीतील भाविकांनी या कार्यक्रमाचा लाभ घ्यावा असे आवाहन मंदिर कमिटीच्या वतीने करण्यात आले आहे.