रांजणगाव येथे एकाची आत्महत्या

वाळूजमहानगर, ता.31 – एका 49 वर्षीय इसमाने राहत्या घरी गळफास घेऊन आत्महत्या केली. ही घटना रांजणगाव (शेणपुंजी) येथे येथे बुधवारी (ता.30) रोजी उघडकीस आली.
सय्यद मुक्तार सय्यद गफुर वय 49 रा. शिवनेरी कॉलनी, रांजणगाव (शेणपुंजी) या इसमाने राहत्या घरी दोरीच्या सहाय्याने बुधवारी (ता.30) रोजी सायंकाळी साडेसहा वाजेच्या सुमारास गळफास घेतला. त्यास शेख तैय्यब व सय्यद जुबेर यांनी बेशुद्ध अवस्थेत उपचारार्थ घाटीत दाखल केले असता डॉक्टरांनी सकाळी 8 वाजेच्या सुमारास तपासून मयत घोषित केले. या प्रकरणी एमआयडीसी वाळूज पोलीस ठाण्यात अकस्मात मृत्यूची नोंद करण्यात आली. पुढील तपास पोह चौथे करीत आहे.