बजाजनगर येथे अलोट गर्दीत रावण दहन

वाळूज महानगर, (ता.24) – विजयादशमी व नवरात्री उत्सवानिमित्त रामलीला समितीच्या वतीने बजाजनगर येथील रामलीला मैदानावर गेल्या दहा दिवसापासून सुरू असलेल्या रामलीला कार्यक्रमाचे सांगता मंगळवारी (ता.24) रोजी राम रावण युद्धाने झाली. त्यानंतर 61 फुटी रावणाचे दहन करण्यात आले. यावेळी भाविकांची अलोट गर्दी झाली होती.

बजाजनगर या कामगार वसाहतीत उत्तर भारतीय यांच्या रामलीला समितीच्या वतीने रामलीला व रावण दहन कार्यक्रमाचे आयोजन करण्यात येते. या कार्यक्रमास जवळजवळ 30 वर्षाची परंपरा आहे. विजयादशमीला मंगळवारी (ता.24) रोजी राम रावण युद्ध होऊन रामलीला कार्यक्रमाची सांगता झाली. त्यानंतर केंद्रीय राज्यमंत्री डॉ. भागवत कराड यांच्या हस्ते 61 फुटी रावणाचे दहन करण्यात आले. तत्पूर्वी फटाक्याची आतिषबाजी करण्यात आली. बजाजनगर येथील रामलीला मैदानावर झालेल्या या कार्यक्रमास भाविकांची अलोट गर्दी झाली होती.

कार्यक्रमास वडगाव (को.) बजाजनगरचे सरपंच सुनील काळे, माजी जिल्हा परिषद सदस्य अनिल चोरडिया, वडगाव (को.) – बजाजनगरचे माजी सरपंच सचिन गरड, शिवसेनेचे उपजिल्हा प्रमुख बप्पा दळवी, पंचायत समिती सदस्य सतीश पाटील, ग्रामपंचायत सदस्य विजय सरकटे, उद्योजक कैलास भोकरे, दशरथ मुळे, माजी ग्रामपंचायत सदस्य अमित चोरडिया, गरुड झेपचे संचालक निलेश सोनवणे, सुरेखा सोनवणे आदींची प्रमुख उपस्थिती होती.

यावेळी वाळुज एमआयडीसी ठाण्याचे पोलीस निरीक्षक अविनाश आघाव, सहाय्यक निरीक्षक गौतम वावळे, पोलीस उपनिरीक्षक संदीप शिंदे, दीपक रोठे, पोलीस अंमलदार अभिमन्यू सानप, राजा भा कोल्हे, योगेश शेळके, अविनाश ढगे आदींनी चोख बंदोबस्त ठेवला.

कार्यक्रमाच्या यशस्वीतेसाठी रामलीला समितीचे आर के सिंग, नरेश नारायण सिंह, रुद्रप्रताप सिंह, राकेश कुमार सिंह, रामजन्म सिंह, जयप्रकाश सिंह, उदय तोमर, राघवेंद्र सिंह, कैलाश यादव, राजेश सिंह, ऐबी सिंह, अरविंद सिंह, नरेंद्रसिंग यादव, ज्योतिष मित्तल, मिथिलेश प्रजापती, ओमप्रकाश यादव, राधेशाम शर्मा, धर्मवीर सिंह आदींनी परिश्रम घेतले.