वाळूजमहानगर, ता.9 – सिडको कार्यालयातील नियोजन विभागात बांधकाम परवानगी व भोगवटा प्रमाणपत्रासाठी सादर केलेल्या संचिकास परवानगी देण्यात येत नाही. त्यामुळे नागरिकांची गैरसोय होत आहे. ती दूर करण्यासाठी पूर्वीप्रमाणेच नियोजन विभागातील संचिकास मंजुरी द्यावी. अशी मागणी वाळूज महानगर बचाव कृती समितीच्या वतीने करण्यात आली आहे.
सिडको कार्यालयातील नियोजन विभागात बांधकाम परवानगी व भोगवटा प्रमाणपत्रासाठी सादर केलेल्या संचिकास आजतागायत ऑफलाईन मंजुरी देण्यात येत होती. मात्र सध्या सादर संचिकाबाबत वास्तुविशारद तसेच संबंधित विचारणा करण्यासाठी गेले असता नियोजन विभागातुन सध्या ऑफलाईन परवानगी न देण्याबाबत शासन स्तरावरून सुचना आल्या आहेत. असे सांगण्यात येत आहे. 
अगोदरच निवडणूक काळात नियोजन विभागातील अधिकारी निवडणूक कामास गेले असल्यामुळे बर्‍याच संचिका प्रलंबित आहेत. विकास कामात खंड पडणार तसेच नागरिक यांची गैरसोय होऊ नये म्हणून जोपर्यंत सिडको या परवानगी तसेच भोगवटा प्रमाणपत्र देण्याबाबत सुविधा अद्यावत होत नाहीत. तोपर्यंत आजतागायत ऑफलाईन देत आल्याप्रमाणे चालु ठेवण्यात यावे. अशी मागणी सिडको वाळूजमहानगर बचाव कृती समितीचे अध्यक्ष तथा तिसगाव ग्रामपंचायतचे सदस्य नागेश कुठारे यांच्या वतीने करण्यात आली आहे.
About Author
