वाळूजमहानगर, ता.20 (बातमीदार)- बजाजनगर मधील भोंडवे पाटील पब्लिक शाळेमध्ये संकल्प शिक्षण संस्था यांच्या वतीने रविवारी (ता.19) रोजी आयोजित करण्यात आलेल्या 14 व्या झेप साहित्य संमेलनात दगडोजीराव देशमुख महाविद्यालयाचे प्रा. डॉ.भरतसिंग सलामपूर यांना क्रीडा क्षेत्रामध्ये उल्लेखनीय कामगिरीबद्दल राष्ट्रीय क्रीडा जीवन गौरव पुरस्काराने सन्मानित करण्यात आले.
यावेळी कार्यक्रमाचे स्वागत अध्यक्ष तथा वाळुज येथील इप्का लॅबोरेटरीज कंपनीचे मानव संसाधन अधिकारी वेंकटेश मैलापुरे, वडगावचे सरपंच सुनील काळे, डॉ. बी जी गायकवाड होते. या संमेलनात प्रा. डॉ. भरत सलामपुरे यांच्यासह विविध जिल्हास्तर, राज्यस्तर, राष्ट्रीय स्तर कामगिरी करणाऱ्यांना पुरस्कार देऊन सन्मानित करण्यात आले.
डॉ. सलामपुरे यांनी अनेक विद्यार्थी घडवले. ते दगडोजीराव देशमुख कला व वाणिज्य, विज्ञान महाविद्यालय मध्ये शारीरिक शिक्षण विभागांमध्ये विभागप्रमुख असून त्यांनी दोन पीएचडी पदवी मिळवले आहेत. त्यांच्या दोन ग्रंथाचे प्रकाशन झाले आहेत व आर्यन पोलीस भरती अकॅडमीत ते संचालक आहेत. सलामपुरे हे नेहमी विद्यार्थ्यांना मोफत मार्गदर्शन करतात. त्यांचे राष्ट्रीय आंतरराष्ट्रीय स्तरावर पेपर पब्लिश आहेत, डॉ. सलामपुरे हे काय तायक्वांडो खेळाचे ब्लॅक बेल्ट, व राष्ट्रीय पंच देखील आहेत. या पुरस्काराबद्दल सलामपूरे यांचे तिसगावचे माजी सरपंच मिठूलाल तरैयावाले, मोहनसिंग सलामपुरे, बिरजूलाल तरैयावाले, दीपक भेरें, प्राचार्य डॉ. राहुल हजारे, डॉ.दिलीप अर्जुने, नवनाथ दळे, मोहन गीते, अण्णासाहेब गफट अशा अनेक मान्यवरांकडून स्वागत होत आहे. राज्य व राष्ट्रीय स्तरावरून कौतुकाचा वर्षाव होत आहे.
About Author
