वाळूजमहानगर, (ता.11) – वाळुज महानगरातील बजाजनगर व सिडको वाळूज महानगर येथे बिनदिक्कतपणे सुरू असलेल्या कॉफी कॅफेची निवेदनाद्वारे तक्रार करणाऱ्याच्या टपरीवजा हॉटेलची अज्ञात इसमांनी तोडफोड करून नुकसान केले. तसेच शिवीगाळ करून जीवे मारण्याचीही धमकी दिल्याने तक्रारदाराने वाळूज एमआयडीसी पोलीस ठाण्यात धाव घेतली. 

 

         वाळूज परिसरातील बजाजनगर व सिडको वाळूज महानगर येथील शाळा, महाविद्यालय व उच्चभ्रू वसाहतीत कॉफी कॅफेच्या नावाखाली तरुण-तरुणींना प्रायव्हसी मिळावी म्हणून काळ्या काचेचे कंपार्टमेंट उपलब्ध करून देण्यात आलेले आहे. या ठिकाणी राज रोसपणे अनुचित व अनैतिक प्रकार सुरू असतो. तरुणांच्या विविध आमिषाला मुली बळी पडत असल्याने पलायन, छेडछाड, विनयभंग तसेच बलात्कारासारख्या घटना घडतात. त्यामुळे येथील महिला व मुलींच्या सुरक्षिततेसाठी तेच अनुचित प्रकार टाळण्यासाठी अखिल भारतीय छावा मराठा युवा संघटनेच्या वतीने जिल्हाध्यक्ष अमोल काळे पाटील यांनी पोलिसांना निवेदन दिले होते. या निवेदनाची तात्काळ दखल घेत वाळुज एमआयडीसी पोलीस ठाण्याचे वरिष्ठ निरीक्षक अविनाश आघाव यांच्या मार्गदर्शनाखाली बजाजनगर येथील कॅफे डार्क लाईट व कॅफे मार्क 30 येथे छापेमारी करून सहा तरुण-तरुणींना तसेच दोन कॅफे चालकांना ताब्यात घेतले होते.

     राग मनात धरून तोडफोड –

 बजाजनगर येथील कॉफी कॅफे चालकावर पोलिसांनी केलेल्या कारवाईचा राग मनात धरून अज्ञात कॉफी कॅफे चालकांनी दहशत निर्माण करण्यासाठी तक्रारदार अमोल काळे पाटील यांच्या कामगार चौकातील टपरीवजा “रावजी चहा, नाश्ता” हॉटेलची तोडफोड करून शिवीगाळ करत जीवे मारण्याची धमकी दिली.  या प्रकारानंतर अमोल काळे यांनी वाळुज एमआयडीसी पोलीस ठाण्यात धाव घेतली.

 —-प्रतिक्रिया

अमोल काळे पाटील –

   रीतसर व्यवसाय करून पैसे कमवा –

   जागतिक मानव अधिकार सुरक्षा फेडरेशनचे मराठवाडा अध्यक्ष अर्जुन आदमाने –

 हा परिसर औद्योगिक आहे. येथे उद्योजकांसह सर्वसामान्य कामगार मोठ्या संख्येने राहतो. कामधंद्या अभावी त्यांना आपल्या पाल्यांकडे लक्ष देण्यास फारसा वेळ नसतो. आपली भारतीय संस्कृती आहे, येथे पाश्चिमात्य संस्कृतीला प्रोत्साहन देऊ नये. भारतीय संस्कृतीचा ऱ्हास होईल असा अनुचित व्यावसाय कोणीही करू नये. पैसेच कमवायचे असेल तर रीतसर कायदेशीर नियमाप्रमाणे व्यवसाय करावा.

About Author