एकलहेरा येथे महिलेची आत्महत्या

वाळूजमहानगर – वाळूज परिसरातील एकलहेरा येथील एका 34 वर्षीय महिलेने राहत्या घरी गळफास घेऊन आत्महत्या केली. ही घटना शनिवारी (ता.15) रोजी सकाळी साडेदहा वाजेच्या सुमारास उघडकीस आली तिच्या आत्महत्येचे कारण मात्र समजू शकले नाही

स्वाती विजय गांगुर्डे वय 34 वर्षे रा एकलहेरा ता. गंगापुर जि. औरंगाबाद असे आत्महत्या करणाऱ्या महिलेचे नाव आहे. तीने शनिवारी (ता.15) रोजी सकाळी 10.30 वाजेच्या सुमारास राहत्या घरातील बैठक रुम मध्ये साडीच्या साहय्याने सिलिंग फॅनला गळफास घेतला.
तिला बेशुद्ध अवस्थेत विजय गांगुर्डे व संदिप डोहाळे यांनी यांनी घाटीत दाखल केले असता डॉक्टरांनी रोजी 12.15 वाजता तपासून मयत घोषीत केले. याप्रकरणी घाटी मेडिकल चौकीतून एस आर गवळी यांनी दिलेल्या माहितीवरून वाळुज एमआयडीसी पोलीस ठाण्यात अकस्मात मृत्यूची नोंद करण्यात आली आहे.